Fitorja përballë Barcelonë në ndeshjen e grupeve të Champions League ishte një triumf për ngritje morali në shtëpinë e zikaltërve të Interit, të cilët kthejnë sot vëmendjen nga Serie A.
Me Sassuolon që mbetet gjithmonë një kundërshtar i vështirë për ekipet e mëdha, Inter kërkon rikthimin te fitorja në sfidën e 9-të të Serie A, për këtë sezon.
Në takimin që do të nisë në orën 15:00, Sassuolo do të hyjë në fushë pa Defrel dhe Muldur, që janë të lënduar, ndërsa në krahun zikaltër, Inzaghi i ka besuar sërish çelësat e mesfushës talentit të kombëtares shqiptare, Kristjan Asllani.
Pavarësisht humbjes ndaj Romës në “San Siro”, Asllani ishte lojtari më i votuar i Interit për sfidën e javës së kaluar dhe duket se ka fituar besimin e trajnerit dhe fansave nerazurë.
Ndërkohë, edhe mungesa e Marcelo Brozovic i jep Asllanit mundësinë që të tregojë veten.
Interi vuan gjithashtu mungesat e Romelu Lukakut, Joaquin Correa dhe Dalbert, të cilët mbeten në infermieri.
FORMACIONET:
Sassuolo: Consigli; Toljan, Erlic, Ferrari, Rogerio; Frattesi, Maxime Lopez, Thorstvedt; Laurienté, Pinamonti, Konradsen.
Inter: Onana; D’Ambrosio, Acerbi, Bastoni; Dumfries, Barella, Asllani, Calhanoglu, Dimarco; Dzeko, Lautaro Martinez.
