Përvjetori i 70-të i lindjes së Presidentit rus Vladimir Putin, shumë ndryshe nga vitet e tjera ka kaluar me urime të vakëta dhe dhurata shumë të pakta në numër.
Një dhuratë duket se ja bëri edhe Ukraina, duke hedhur në erë urën që lidh kontinentin me Krimenë në ngushticën e Kreçit.
Por një detaj që i mungoi festës dhe ra shumë në sy në krahasim me vitet e mëparshme ishin urimet e nxënësve të shkollave, të cilat janë anuluar nga frika se publikimi i videove do ta bënte liderin e Kremlinit të dukej i vjetër përballë popullit.
Putini mbushi 70 vjeç të premten, por zyrtarëve rusë iu tha që të mos festonin ose të bënin festa për liderin për të shmangur publicitetin e plotësimit të dekadës së 7-të të jetës.
Një video e ngarkuar nga St Petersburg TV, tregon disa qindra fëmijë që kanë shkruar mesazhin ‘Putini është presidenti ynë’ për nder të ditëlindjes së tij, por pamjet u fshinë pas vetëm disa orësh, me burime të brendshme që thanë se atyre nuk u ishte dhënë asnjë udhëzim paraprak se si ta festonin ditëlindjen e tij siç kanë bërë vitet e kaluara.
Mediat e kontrolluara nga shteti publikuan përmbajtje festive të 22 viteve të Putinit në pushtet të premten, por rrallë përmendën moshën e tij.
