Një automjet është përfshirë nga flakët në qytetin e Sarandës gjatë natës. Ngjarja ka ndodhur në lagjen nr.1 dhe automjeti që ka qenë i parkuar, është në pronësi të shtetasit E.D..
“Më datë 05.10.2022, gjatë natës, në lagjen nr. 1, Sarandë, ka rënë zjarr në një automjet të parkuar, tip “Benz” në pronësi të shtetasit E. D, ku janë shkaktuar vetëm dëme materiale”, njoftojnë Blutë e qytetit bregdetar.
Mësohet se si pasojë e flakëve është dëmtuar edhe një automjet qè ndodhej pranë makinës tip “Mercedes Benz ML”. Ndërkohë, kjo e fundit besohet të jetë në pronësi të bashkëshortit të ish-gjyqtares Nevrije Duka, Edmond Dukës.
Grupi hetimor po punon për sqarimin e rrethanave të ngjarjes dhe përcaktimin e shkaqeve të rënies së zjarrit.
