Deputeti i PD Saimir Korreshi, ka reaguar, pas informacionit që ai dhe 3 deputetë të tjerë kërkuan në gjykatën e Apelit në lidhje me vendimin që mban “peng” opozitën, atë të regjistrimit të statutit.
Sipas tij kjo cështje është barriera e fundit që po mban të ndarë demokratët. Ai tha se pas informacionit, që morën sot, ende nuk ka një datë se kur do të jepet vendimi.
Saimir Korreshi: Kjo është një cështje që ka stopuar demokratët. Është barriera e fundit që i mban të ndarë demokratët, për të zgjidhur këtë ngerc, kërkuam të marrin informacion.
Edhe pse të gjithë e kanë opozitën e kemi konsideruar aset kombëtar. Nuk kemi ende asnjë datë për zgjidhjen e kësaj situate.
Ne i kemi kërkuar gjykatës të përshpejtojë këtë proces, marrja peng e opozitës minon demokracinë. Shkuan me koleget e tjerë dhe na është thënë që nuk ka një datë se kur do gjykohet. Vendimi nuk ka asnjë lloj problemi por do ishte ne nder të kishim një afat sa më shpejt.
Nuk kemi një informcacion, është caktuar vetëm trupa gjykuese.
Dhe kjo fazë duhet të ezaurohet, demokratët duhet të kenë të qartë se cila pjesë do të ketë vulën ose legjitimitetin.
