Fatmir Mediu foli pas takimit që krerët e partive politike zhvilluan ditën e sotme me presidentin Bajram Begaj.
Kreu i Partisë Republikane, tha se partitë e opozitës si aleancë i propozuan kreut të shtetit datën 14 maj për zgjedhjet lokale. Ai u shpreh se kjo datë ishte vullneti i përbashkët i partive të opozitës për disa arsye.
“Propozuam datën 14 maj për zgjedhjet lokale. Menduam se data 14 që është data fundore, është datë më e mirë, duke pasur parasysh që reformat territoriale dhe zgjedhore që kërkojnë kohë për implementimin e tyre”, tha Mediu para kamerave.
