Një person i shpallur në kërkim për armëmbajtje pa leje është vënë në prangat e policisë së Gjirokastrës.
“Specialistët e Seksionit për Hetimin e Krimeve të Komisariatit të Policisë Gjirokastër, kanë ndaluar shtetasin e shpallur në kërkim H. M., 41 vjeç, banues në fshatin Kolonjë, Gjirokastër”, njoftoi policia.
41-vjeçari ishte shpallur në kërkim pasi më datë 2 korrik, gjatë kontrollit të ushtruar nga shërbimet e Policisë, në një ambient që kishte në përdorim ky shtetas, në fshatin Apsallë, Dropull, u gjetën dhe u sekuestruan një armë zjarri automatik dhe një sasi municioni luftarak.
