Besart Xhaferri është zgjedhur kryetari i ri i Forumit Rinor të Partisë Demokratike.
Këtë të Shtunë, janë mbajtur zgjedhjet për kreun e ri të FRPD-së.
Prej orës 08:00 të mëngjesit të sotëm, nisi procesi i votimit, që u mbyll në 18:00.
Numërimi përfundoi pas orës 22:00 në të gjitha degët.
Në garë për kreun e ri të FPRD-së ishin Alesia Balliu, Arnold Kariqi, Artion Barjamaj, Barbara Doda, Besart Xhaferi dhe Mariglend Doçi.
Besart Xhaferri u shpall fitues me 5256 vota. I dyti u rendit Arnold Kariqi me 1683 vota. Mariglend Doçi u votua 1292 herë pasuar nga Artjon Bajramaj me 528 vota. Renditja vijon me Barbara Dodën dhe Alesia Balliun, përkatësisht me 452 dhe 186 vota.
Në 62 qendrat e votimit në të gjithë vendin kanë votuar 9470 votues, ose 55% e anëtarësisë së FRPD. 73 vota kanë dalë të pavlefshme.
Zgjedhjet u zhvilluan pasi mandati i drejtuesit të mëparshëm Belind Këllëçi, kishte përfunduar.
