Një 11-vjeçare është rrëzuar nga kati i katërt ditën e sotme në Sarandë dhe është nisur me urgjencë drejt spitalit të Traumës për ndihmë më të specializuar mjekësore.
E mitura u dërgua fillimisht në spitalin e Sarandës dhe më pas u nis drejt Tiranës për të marrë ndihmë mjekësore të specializuar.
Dyshohet se e mitura është rrëzuar aksidentalisht teksa ka tentuar të kalojë nga ballkoni në shesh pushim.
Mësohet se nëna e tyre e kishte lënë vajzë së bashku me vëllanë e saj brenda në banesë, pasi shkonte për në punë.
Gjithashtu bëhet me dije se e mitura është parë duke rënë nga ballkoni nga një efektiv policie i cili e ka banesën përballë 11-vjeçares. Ishte efektivi i policisë ai që e mori në duar vajzën dhe e dërgoi në spital ndërsa gjendja e saj ende nuk dihet.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.
