Për këto zgjedhje ka pasur shumë akuza se janë blerë më para në dorë. Se gjatë fushatës është paguar “cash”, madje edhe në euro. Ata që kanë bërë hipotezat më të guximshme kanë shkuar deri atje sa të pretendojnë se në sistemin tonë politik ka qarkulluar paraja e trafikantëve që tashmë kishin shitur hashashin në perëndim. Boll të shikosh të gjithë njerzit që punuan për fushatën, kompanitë e marketingut dhe të konsulencës, madje edhe tevevizionet e mëdha, të gjithë u paguan me para në dorë. Me euro të thata. Pikërisht këtë histori që qarkullon në formë hipoteze e mbështesin edhe shifrat. Faqja online “Monitor.al” ka zbërthyer një grafik që tregon se si kanë ndikuar zgjedhjet në niverin historik të rënies së euros në Shqipëri. Sipas saj nëse në hapje të këtij viti kursi i këmbimit ishte 135.47 lekë, në ditën e kulmit të tij, vetëm dy ditë pasi gara kishte mbaruar, pra më 27 qershor kurba arriti një pikër rënijeje të paparë: 131.98 lekë.
Kjo shifër më e ulta e 8 viteve të fundit (që prej gushtit 2009) lidhet drejtpërdrejt me fushatën elektorale. Sipas llogarive që bën Monitor një ditë pas marrëveshjes Rama – Basha në 19 maj, një euro këmbehej me 134.87 lekë. Por brenda 40 ditëve të garës elektorale ajo pësoi një nënçmim prej 2.53 lekësh, ndërkohë që nga 1 janari deri në 19 maj, euro kishte rënë vetëm me 0.72 lekë.
Megjithëatë krahasimi i shifrave nxjerr edhe dy konkluzione të dukshme që flasin qartë për batërdinë që është bërë në këto zgjedhje. Së pari menjëherë me përfundimin e tyre rënia e euros u ndal. Ndërsa nga ana tjetër ajo mbetet më e ulët në raportet e këmbimit me lekun, sesa në dhjetor 2016, kur monedha e përbashkët në bursa zbriti në 1.05USD, duke treguar se leku ka qenë i pandjeshëm ndaj zhvillimeve në bursa, por ka reflektuar më shumë kërkesë-ofertën në tregun e brendshëm.
Të gjitha këto të dhëna krahasuese flasin qartë për atë që ka ndodhur në 25 qershor ku me sa duket industria e blerjes së zgjedhjeve është më biznesi më i fortë vendas e cila arrin të trondisë dukshëm edhe tregun e këmbimit mes lekut dhe monedhës së përbashkët. E vetmja gjë që mbetet ende mister dhe që me siguri njohësit e tregut mund ta gjejnë me përafërsi duke u nisur nga përqindja e dobësimit të euros është shifra e parave (Kryesisht të zeza) që janë hedhur në treg gjatë këtyre ditëve. (Lapsi.al)
