Armina Mevlani dhe Shkëlzen Berisha kurorëzuan dashurinë e tyre në martesë të dielën në një dasmë me mbi 300 të ftuar.
Mes të ftuarve kishte personazhe të njohur nga politika, ekrani dhe muzika, mirëpo u vu re mungesa e këngëtares Jonida Maliqi.
Vajzat janë mikesha shumë të mira, madje dikur dhe bashkëpunëtore në biznes. Për këtë arsye mungesa e Jonidës është komentuar gjatë në rrjet dhe është përfolur se mes tyre ka pasur ndonjë zënkë.
Revista “Who” bën të ditur se ka qenë një surprizë e fundit që e ka lënë Jonidën pa shkuar në dasmë, edhe pse ishte kujdesur për çdo detaj, nga veshja tek grimi. Bëhet fjalë për një arsye tërësisht personale të cilën Jonida ka vendosur të mos e komentojë.
