Alex Meret rinovon me Napoli. Ky është lajmi i publikuar sot nga mediat italiane, të cilat shkruajnë se portieri 25 vjeçar do të vijojë të qëndrojë te blutë.
Ka qenë vetë trajneri i napoletanëve, Lucciano Spalleti që ka dhënë dakordësinë për vazhdimin e bashkëpunimit me italianin. Kontrata aktuale skadonte vitin tjetër, teksa Meret ka vite që është pjesë e kësaj skuadre.
Napoli humbi shumë prej titullarëve në verë, duke bërë kështu që cilësia e skuadrës të bie ndjeshëm. Largimet e futbollistëve si Dries Mertens apo Insigne kanë lënë një boshllëk në skuadër, por gjithsesi ekipi vijon të kryesojë kampionatin.
