Vrasja e 44-vjeçarit Pjetër Kola nga Lezha në Pukë, dyshohet të ketë ndodhur për prishje të pazareve të drogës.
Për këtë vrasje janë shoqëruar në komisariat 4 persona, dy prej të cilëve e shoqëruan në qendrën shëndetësore të Vaut të Dejës. Pasi u morën në pyetje, u lanë të lirë.
Policia po vazhdon kërkimet për gjetjen e autorit që u identifikua një ditë pas vrasjes, Martin Përgjinin alias Anton Përgjini nga Lezha.
Kola u vra mbrëmjen e 27 shtatorit me armë zjarri. Ai i dërgua i plagosur nga i vëllai dhe një person tjetër në Qendrën Shëndetësore të Vaut të Dejës. Më pas mjekët e nisën për në spitalin e Shkodrës, ku dhe ndërroi jetë gjatë ndërhyrjes kirurgjikale.
