Ish-ministri i Drejtësisë, Ylli Manjani ka reaguar ashpër pas publikimit nga ana e kryeministrit Edi Rama, të listës së gjyqtarëve dhe prokurorëve që nuk duhet të jenë më pjesë e sistemit të Drejtësisë.
Me anë të një statusi në Facebook, Manjani thekson se ky është vetëm akti i parë i diktaturës.
Ja statusi i Manjanit:
Akti i parë i diktaturës.
——-
Komiteti Qëndror i Rilindjes, me në krye shokun Edi Rama, shpalli sot dënimin për disa nënpunës të shtetit! Ndër ta edhe gjykatës e Prokurorë!
Reforma në drejtësi kapitulloi, së bashku me vetting-un! Askush nuk do ta besojë në pavarësinë e strukturës së vetting, pas këtij linçimi publik të emrave që bëri mrekullia kushtetuese e Shqipërisë!
Drejtësia popullore e popullit të Facebook tashmë është në veprim!
I mjeri ai që i bie taksirati të ketë të bëjë me këtë shtet që po ndërtohet!!!
