Një aksident i rëndë ka ndodhur në Greqi, në rrugën nacionale të Patra – Pyrgos, ku kanë humbur jetën një çift nga Saranda.
Aksidenti tragjik ndodhi ditën e djeshme në autostradën Patra–Pyrgos, kur makina me të cilën po udhëtonte çifti shqiptar u përplas me një kamion.
Viktimat janë identifikuar si Eleni Çakuli, 43 vjeç, nga fshati Çaush, dhe bashkëshorti i saj Theofil Karleci, 54 vjeç.
Ndërkohë ka mbetur i lënduar shoferi i kamionit, 70-vjeçar nga Amaliada, i cili po trajtohet në Spitalin e Përgjithshëm Shtetëror të Patrës “Agios Andreas”.
Çifti punonte prej vitesh në Amaliada, ku kishin një kafene, ndërsa mësohet se kanë lënë pas 3 fëmijë, dy vajza dhe një djalë.
Burimi: Protothema.gr
