Deputeti i PD-së Belind Këlliçi, ka thënë se primaret brenda kësaj po zhvillohen me qëllim që të nxjerrin e emrat e kandidatëve 6 muaj para zgjedhjeve lokale të 2023.
I ftuar në emisionin “Now” në Euronews Albania, Këlliçi më tej theksoi se në situatën që ndodhet vendi, protestat janë të domosdoshme.
“Ne për herë të parë, ndryshe nga herët e tjera po bëjmë primaret për të dalë me kandidat 6 muaj para zgjedhjeve, pra për t’iu përgjigjur me alternativë qytetarëve dhe me program. Protestat janë të domosdoshme në këtë situatë që ndodhemi, por jo për të bërë protesta për hir të protestave . për të mos zhgënjyer pritshmëritë e qytetarëve duhet një vendimmarrje konsensuale e palëve për këtë aksion”, u shpreh Këlliçi.
