Familjarët e 27-vjeçarit nga Kukësi, Meledin Adili, i raportuar i zhdukur që nga mbrëmja e 4 shtatorit të këtij viti janë në pritje të gjetjes së tij prej 3 javësh tashmë.
Ai ishte nisur për të mbledhur boronica në bjeshkët e Sharrit të komunës së Dragashit në Kosovë kur humbi gjurmët me familjarët.
Pavarësisht kërkimeve të familjarëve dhe policisë i riu nuk është gjetur ende.
Kërkimet për të humburin Meledin Adili janë duke vazhduar. Në kërkim janë përfshirë policia dhe ushtria e Kosovës, njësitet speciale të Policisë së Kosovës, policia e Kukësit, banorë të Borjes, vullnetarë nga vendbanimet e tjera malore te Dragashit.
