Furnizuesi i Shërbimit Universal (FSHU) ka aplikuar pranë Entin Rregullator të Energjisë për ndryshimin e fashës së çmimeve për konsumatorët familjarë duke nisur nga tetori i këtij viti deri në dhjetor.
Për shkak të çmimit të rritur, sipas përllogaritje paraprake blerja e energjisë elektrike për ata që konsumojnë mbi 800 kWh do të paguajnë më shumë.
Çmimi final i kërkuar nga FSHU-ja për çdo kilovat të harxhuar mbi 800 kËh është 34.3 pa TVSH, e cila bashkë me TVSH-në shkon 41.16 lekë.
Më herët, Ministrja e Infrastrukturës dhe Energjisë, Belinda Balluku ka deklaruar se mund të ketë një rishikim të fashës prej 800 kWh për konsum familjar. Sipas saj ky rishikim do të bëhet pas datës 31 dhjetor.
