Karim Benzema ka marrë mbi supe fatet e Real Madrid në “Santiago Bernabeu”, që pas ikjes së CR7.
Me moshën, Benzema nuk premton shumë për të ardhmen, ndaj “Los Blancos” kanë menduar të gjejnë që tani zëvendësuesin e tij.
Sipas “Bild”, drejtuesit e skuadrës spanjolle po shikojnë në Gjermani, ku Youssaoufa Moukoko është i preferuari i madrilenëve, i cili shikohet si zëvendësuesi ideal i francezit.
Ylli i skuadrës së Borussia Dortmund para dy vitesh arriti të debutonte me verdhezinjtë në Bundesligë, ndërsa këtë sezon edhe pse është vetëm 17-vjeç po bën mjaft mirë, teksa ka arritur të shënojë 2 gola dhe ka dhënë 2 asiste për shokët e skuadrës.
Kontrata e tij me gjigantin gjerman skadon në verën e vitit 2023 dhe Moukoko ende nuk ka rinovimin, me lojtarin që kërkon të këtë më shumë minuta në dispozicion.
