Një burrë i ka vënë flakën vetes mëngjesin e sotëm në Tokio , pranë zyrës së kryeministrit japonez Fumio Kishida, raportojnë mediat japoneze .
Sipas informacioneve të tyre, burri e kreu këtë akt të rëndë në shenjë proteste ndaj funeralit shtetëror të 27 shtatorit në Tokio të ish-kryeministrit të vrarë Shinzo Abe, një çështje që ndan Japoninë.
Një punonjës policie që ka tentuar të shuajë flakët ka pësuar djegie. Sipas agjencisë së lajmeve Kyodo, një letër proteste kundër ceremonisë së shtrenjtë u gjet pak larg.
Një figurë politike ikonë dhe kontroverse në Japoni, ish-kryeministri ultra-nacionalist Shinzo Abe dha dorëheqjen në vitin 2020 për arsye shëndetësore. Ai u vra nga një person i armatosur më 8 korrik ndërsa po fliste në një aktivitet fushate në Nara (perëndim).
