Një 29-vjeçare ka përjetuar tmerr nga ish-partneri i saj. Pas ndarjes 31-vjeçari e kishte përndjekur vazhdimisht duke i kërkuar të riktheheshin.
Sipas policisë greke, ai kishte shkuar në një hotel në Santorini, ku ndodhej 29-vjeçarja dhe kishte këmbëngulur të kryenin marrëdhënie seksuale.
Kur 29-vjeçarja ka refuzuar, ai e kishte grushtuar duke e lënë të gjakosur në dysheme. E reja arriti të regjistronte momentin përmes telefonit të saj dhe më pas e dorëzoi videon në komisariat.
“Ti të më thuash mua jo? Do të të vras sot, do të ther në gju, do të të pres fytin“-janë fjalët e 31-vjeçarit në video.
Pas denoncimit të vajzës, policia ka arrestuar 31-vjeçarin, por ai ka ngritur padi ndaj saj për pasojë të dy u dërguan në Prokurorinë e Naxosit.
