Një tragjedi ka ndodhur në familjen e sulmuesit italian Lorenzo Insigne. Mediat në Itali shkruajnë se bashkëshortja e ish-kapitenit të Napolit ka humbur fëmijën në muajin e gjashtë të shtatzënisë.
Ishte vetë Insigne që pak kohë më parë festoi një gol, duke futur topin poshtë bluzës, një gjest që nënkupton pritjen e një fëmijë.
Për këtë humbje të dhimbshme Insigne-s i është gjetur pranë edhe klubi i Napolit, që shpërndau një ngushëllim: “E dashur Jenny, i dashur Lorenzo, e gjithë familja e Napolit është pranë jush dhe u përqafon fort.”
Sakaq më mijëra mesazhe mbështetëse erdhën edhe nga tifozët, të cilët thonë se nuk ka rëndësi bluza e ekipit që mban veshur tani, pasi për ta do mbetet i paharrueshëm.
