Kryetari i LIBRA, Ben Blushi ka shpalusur një tjetër pikë të programit të partisë së tij. Nëpërmjet një statusi në facebook, Blushi premton se LIBRA do të insistojë për të arritur një pagë të barabartë mes grave dhe burrave, duke rrëzuar kështu çdo diskriminim gjinor.
Më poshtë statusi i tij:
PAGA TË BARABARTA MES GRAVE DHE BURRAVE
Shqipëria i diskriminon gratë duke i paguar ato më pak për të njëjtën punë.Sot gratë paguhen mesatarisht 7 për qind më pak se burrat për të njëjtin pozicion apo kohë pune. LIBRA e ka në projektin e vet barazimin e plotë të pagave te grave dhe burrave duke ndëshkuar të gjithë ata punëdhënës publikë apo privatë të cilët i paguajnë gratë më pak se burrat. Drejtësia nis nga paga dhe merita nuk ka lidhje me gjininë, moshën apo cdo aspekt tjetër.
