Përmbytjet e shkaktuara në Tropojë për shkak të shirave të rrëmbyeshëm gjatë ditës së djeshme, kanë qenë të shumta.
Si pasojë e erërave të forta dhe reshjeve të shumta të shiut, është bllokuar edhe rruga Lekbibaj- Fierzë.
Aktualisht, po punohet për zhbllokimin e saj në njësinë administrative Lekbibaj.
Ministria e Mbrojtjes ka publikuar përditësimin e fundit për situatën si pasojë e reshjeve ne vend.
Sipas njoftimit aktualisht në bashkinë Tropojës, rrugët nacionale janë të qarkullueshme normalisht. Ndërsa rruga Lekbibaj- Fierzë është e bllokuar nga rrëshqitjet e gurëve, po punohet me mjetet e bashkisë për zhbllokimin e segmentit rrugor Lekbibaj-Sheshi i trageteve Fierzë.
Njoftimi i Ministrisë se Mbrojtjes
Situata në qarkun e Kukësit, pas reshjeve të ditës së djeshme, sot paraqitet më e qetë.
Sipas informacioneve nga Agjencia e Mbrojtjes Civile, në bashkinë Tropojë ku pati dëme, gjendja është normalizuar, ndërkohë që vazhdon puna në terren nga grupet e punës për eliminimin e pasojave.
Në mbështetje të forcave në terren po punojnë mjete dhe forca e batalionit të Xhenios dhe Batalionit të Mbështetjes së Emergjencave Civile.
Ndërsa bashkia ka ngritur grupet e vlerësimit të dëmeve.
Aktualisht në territorin e bashkisë Tropojë:
– Rrugët nacionale janë të qarkullueshme normalisht. (Curri-Valbonë,Ura e Bujanit-Qafe Morine,Sopot-Kerrnaj,Qafe Mejdan-Tropojë-Buçaj,B.Curri-Cërrnicë dhe B.Curri –Fierzë)
– Rruga Lekbibaj- Fierzë është e bllokuar nga rrëshqitjet e gurëve, po punohet me mjetet e bashkisë për zhbllokimin e segmentit rrugor Lekbibaj-Sheshi i trageteve Fierzë.
– Po punohet nga grupet e punës së OSHEE për riparimin e defektit në nënstacionin elektrik në Gropë Fierzë dhe rikthimin e energjisë në njësinë administrative Fierzë dhe fshatin Valbonë.
– Në fshatin Degë njësia administrative Fierzë është dërguar një fadromë në mbështetje të komunitetit.
Në qarqet e tjera të vendit situata është e qetë dhe nuk janë vërejtur problematika.
