Një fëmijë 6-vjeçar nga Aspropirgos ka qendruar disa orë i mbyllur në autobusin e shkollës pasi shoferi dhe shoqëruesja e kanë harruar në automjet. Ngjarja ka ndodhur në një shkollë fillore në këtë zonë në Greqi.
Sipas mediave vendase, shoferi dhe shoqëruesja, pasi kanë zbritur pjesën tjetër të nxënësve, kanë mbyllur autobusin pa e kuptuar që 6-vjeçari ishte brenda pasi e kishte zënë gjumi në sedilje.
Nëna e tij kërkoi fëmijën dhe pas dy orësh e gjetën duke fjetur të mbyllur brenda autobusit të shkollës.
Për ngjarjen janë arrestuar drejtuesi i autobusit dhe shoqëruesi, të cilët pritet të dërgohen në Prokurori.
