Kundërofensiva e ushtrisë ukrainase rreth qytetit të Kharkiv në Ukrainën verilindore duke filluar më 6 shtator shkatërroi gjysmën e divizionit më të mirë të tankeve të forcave të armatosura ruse, shkruan revista amerikane Forbes.
Njëqind tanke të shkatërruar ose të kapur në njëqind orë të tërbuara. Kaq shkatërrim i shkaktuan ukrainasit në Divizionin e 4-të të Tankeve të Gardës Ruse, pjesë e Ushtrisë elitare të Tankeve të 1-rë të Gardës, formacioni më i mirë i blinduar i ushtrisë ruse.
Tani GTA 1 po tërhiqet në veri për të ruajtur atë që ka mbetur nga divizionet e saj të vijës së parë.
Por dëmi që ka pësuar ushtria e tankeve mund të ketë implikime të qëndrueshme – dhe jo vetëm për Iuftën më të gjerë 200-ditore të Rusisë në Ukrainë, transmeton Kosovaime.
GTA 1 “kishte qenë një nga fomacionet usjtarake më prestigjioze të Rusisë, e ndarë për mbrojtjen e Moskës dhe synonte të drejtonte kundërsulme në rast të një Iufte me NATO-n,” shpjegoi Ministria e Mbrojtjes e Mbretërisë së Bashkuar. Rusia ka të ngjarë të marrë vite kohë që të rindërtojë këtë aftësi.
