Kryetari i Partisë Republikane Fatmir Mediu ndodhet në SHBA me ftesë të kryetarit të Komisionit të Jashtëm të Senatit, Bob Mendes dhe senatorit Marco Rubio.
Me një postim në rrjetet sociale, Mediu shkruan se gjatë takimeve është diskutuar në lidhje me çështjet e sigurisë globale.
Në këto takime është folur edhe për sulmet kibernetike që po ndodhin në Shqipëri, dhe Mediu ka falënderuar SHBA-të për ndihmën që po i japin vendit tonë.
Reagimi i plotë i Fatmir Mediut
Uashington DC:
Me ftesë të Kryetarit të Komisjonit të Jashtëm Senatorit Bob Menendes dhe Senatorit Marco Rubio grupi i IPAC Albania, (Aleanca ndërparlamentare për Kinën) i parlamentit shqiptar, në të cilin kam nderin të jem bashkëkryetar me zonjën Kodheli dhe me kolegë të tjerë të kuvendit, si dhe parlamentar nga 30 vënde të botës po marim pjesë në Samitin e IPAC.
Në këtë takim Senatori Rubio dhe Senatori Menendes folën për çështjet që lidhen me sigurinë globale dhe liritë e të drejtat e njeriut.
Problemet që vijnë nga kontrolli i ekonomisë nga Kina apo varësia prej saj.
Po ashtu në takimin që zhvillova me të dy senatorët falenderova për mbështetjen që i japin Shqipërisë sidomos në përballjen me sulmet terroriste kibernetike ndaj Shqipërisë.
Nevoja për një bashkërendim me SHBA dhe NATO-n në këtë luftë kibernetike është domosdoshmëri.
Ky është samiti më i madh i mbajtur ndonjëherë nga #IPAC #standtogether
