“Shpresoj që të sëmureni me kancer”, pretendohet se i ka thënë Cameron Diaz stafit të revistës që i publikon foton me Justin Timberlake.
Themeluesi i “Rolling Stone”, Jann Wenner, i cili gjithashtu zotëron Us Weekly, tha se një nga fotot më të hershme që publikoi revista e tij ishte e një aktoreje duke u puthur me këngëtarin në një dërrasë sërfi.
Wenner nuk e përmend me emër Diaz, por nënkupton se i referohet aktores së “Charlie’s Angels”, pasi ajo u fotografua duke u puthur me Timberlake ndërsa të dy pushonin në Hawaii në vitin 2006.
Ai thotë se përballja me të ishte e pakëndshme, duke pretenduar se madje aktorja i tha njërit prej pjesëtarëve të revistës në atë kohë: “Shpresoj që të sëmureni me kancer”.
