Prokuroria e Tiranës ka përfunduar hetimet dhe ka çuar në gjykatë dosjen e Ajas Sulejmanit.
Sulejmani përplasi me makinë çiftin Konomi dhe foshnjen e tyre te vijat e bardha, te rruga e Kavajës në Tiranë, në fillim të muajit maj.
Kërkesa e prokurorisë së Tiranës për gjykimin e dënimin e Sulejmanit ka tre akuza. Ai akuzohet për shkelje të qarkullimit rrugor bazuar në nenin 290/4. Kur nga vepra penale është shkaktuar vdekja ose plagosja e rëndë e disa personave, dënohet me burgim nga 5 deri në 20 vjet.
Drejtimi i automjeteve apo mjeteve të tjera të motorizuara në gjendje te dehur, nën efektin e lëndëve narkotike apo pa dëshminë përkatëse të aftësisë dënohet me burgim nga dhjetë ditë deri në tre vjet.
Si dhe akuzën e largimi nga vendi i aksidentit, i drejtuesit të automjetit apo të çdo mjeti të motorizuar, për t’u shmangur nga përgjegjësia penale, civile apo administrative, përbën kundërvajtje penale dhe dënohet me gjobë ose me burgim gjer në një vit, parashikuar nga neni 273.
Aktualisht Sulejmani ndodhet në masën e sigurisë arrest shtëpie. Nga aksidenti fatmirësish nuk u shënuan viktima, por mbetën të dëmtuar tre pjesëtaret e familjes Konomi.
Si ndodhi ngjarja
Aksidenti i rëndë ndodhi në fillim të muajit Maj, në Rrugën e Kavajës, ku mjeti GL që drejtonte Sulejmani, përplasi çiftin Arjan Konomi dhe Vilma Konomi, ndërkohë që në karrocë ishte dhe foshja e tyre 3 muajshe.
Pasi u largua nga vendi i ngjarjes, Sulejmani u vu në pranga në një spital privat të kryeqytetit, ndërkohë që gjendja e çiftit Konomi ishte jashtë rrezikut për jetën.
Të dy ata kishin pësuar lëndime të shumta, dhe thyerje në disa pjesë të trupit.
Fatmirësisht vajza e tyre disamuajshe shpëtoi pa lëndime të rëndë.
“Sapo u bë i kuq kam nisur të frenoj, por nuk më mbajtën frenat. Në lidhje me largimin nga vendi i aksidentit deklaroj se nuk kam patur qëllim të iki, por duke qenë se ishte dhe vajza ime e mitur u largova. Kisha dhe vajzën time pesë vjecare dhe bashkë me të kam shkuar në spitalin privat pasi vajza ime dhe unë ishim të traumatizuar nfga ky aksident”, ka thënë Sulejmani, i cili rezultoi pozitiv pas kryerjes së testit të drogës.
