Kryetarja e Kuvendit Lindita Nikolla, i ka cilësuar deputetët e PD-së që mbështesin ish-kryeministrin Sali Berisha si të pavarur.
Flamur Noka iu drejtua Kryetares së Kuvendit me këto fjalë: “E kemi ngritur këtë shqetësim dhe më parë. Unë jam Flamur Noka, deputet i PD. Me çfarë tagri ma shkruan emrin tek lista “deputet i pavarur jashtë grupeve parlamentare”?!
“Ku e bazon ti që emrin tim e shënon si “të pavarur”?! Kush të urdhëron ty të shkelësh Kushtetutën?! Hera e fundit që ma shkruan emrin “i pavarur”. theksoi Flamur Noka.
Këtë shqetësim e ngriti edhe Edmond Spaho më parë. Ai tha se emërtimi i deputetëve të PD-së si të pavarur, përveç fyerjes, po bënte që ata thuajse të përjashtoheshin nga debatet.
