Prokuroria e Tiranës ka mbyllur hetimet për rrëmbimin dhe ekzekutimin e biznesmenit Ruxhdi Hoxha.
Ndërkohë, është ngritur një padi ndaj autorit të dyshuar Fredi Rrushi për akuzën e vrasjes.
Po ashtu, ndaj Rrushit për ngjarjen e 6 nëntor 2021, rëndon edhe akuza e armëmbajtjes pa leje, zhdukjes së provave e zhdukjes së kufomës, e cila u gjet disa ditë pas krimit e groposur në Dajt.
Ende nuk është gjetur automjeti që u rrëmbye Hoxha dhe pistoleta me të cilën u ekzekutua.
Më 6 nëntor të vitit të kaluar, trupi i viktimës u gjet i mbuluar me zhavor në Qafë Mollë në zonën e Dajtit.
Sipas hetimeve, fillimisht biznesmenin e qëlluan me armë zjarri dhe më pas trupin e tij e hodhën nga një shkëmb.
Ruzhdi Hoxha rezultonte i zhdukur që prej 24 tetorit. Ishte djali i tij ai që denoncoi rastin në polici.
