Është shkatërruar banda me trafikantë shqiptarë gjatë një operacioni të policisë angleze.
Mediat e huaja bëjnë me dije se shqiptarët kishin ngritur ferma kanabisi në Angli, duke marrë shtëpi me qira e duke përdorur dokumente të rreme.
Tre shqiptarët e arrestuar ishin siguruar të krijonin kalime, pasi ata kishin fshehur mirë fermat e kanabisit. Autoritetet angleze kanë bërë me dije se në vendin ku shqiptarët rrisnin kanabisin mund të kaloje vetëm duke gërmuar nën tokë ose nga dyert e dollapit në papafingo.
Klesti Gorcellari, 24 vjeç, u burgos për shtatë vjet e gjysmë, ndërsa anëtari i besuar i organizatës Isuf Roshi, 24 vjeç u dënua me pesë vjet burg. Armando Sulce, 27 vjeç, nga Tern Street, Canterbury, Bradford, u dënua me 4 vite burg.
Ditën e premte ishin dënuar me nga 12 muaj burg edhe se Andrit Toci, 33 vjeç dhe Revi Shehu, 25 vjeç, të cilët luanin një rol të kufizuar në rrjetin e drogës.
Toci u kap në një fabrikë kanabisi në Wayland Avenue, Worsbrough, Barnsley dhe Shehu në një fermë droge në Thurston Gardens, Allerton, Bradford. Të dy u deklaruan fajtorë për prodhimin e kanabisit.
Dy anëtarë të tjerë të organizatës ndodhen në paraburgim pas shtyrjes së çështjeve të tyre. Elvis Abedin, 27 vjeç dhe Mario Tafa, 22 vjeç, pritet t’u komunikohet dënimi muajin e ardhshëm.
Gjatë operacionit u zbuluan ferma droge të fshehura pas paneleve dhe dyerve të rreme dhe në gropa të pasigurta që i kishin bërë pronat në mënyrë të paqëndrueshme. Kalimi në bimët e kanabisit bëhej përmes dollapëve, nën dollapët e kuzhinës dhe përmes hyrje-daljeve të fshehura mirë dhe kapakëve të papafingos
