Ish-kryeministri i Italisë, Silvio Berlusconi, ka bërë debutimin e tij në TikTok, në një përpjekje për t’u bërë thirrje të rinjve të votojnë në prag të zgjedhjeve kombëtare të këtij muaji.
Berlusconi, i cili udhëhoqi qeverinë italiane tre herë, po planifikon një rikthim politik në zgjedhjet e 25 shtatorit, pasi dorëheqja në korrik e kryeministrit, Mario Draghi, e zhyti vendin përsëri në një krizë politike.
Paraqitja e Berlusconit në TikTok është strategjike pasi Italia ka ulur moshën që votuesit duhet të arrijnë përpara se të kualifikohen për të zgjedhur senatorë nga 25 në 18 vjeç, duke i hapur rrugën 4 milionë të rinjve në moshë madhore për të fituar të drejtën e votës për dhomën e sipërme legjislative.
“Janë 5 milionë nga ju në këtë platformë dhe 60% prej jush janë nën 30 vjeç dhe ndihem pak ziliqar (që nuk jam i ri) për këtë”, tha ai.
Ai tha se do të përdorte platformën për t’u treguar të rinjve se si mund ta transformonte Italinë në “një vend që ju jep mundësi të reja dhe mundësi për të realizuar ëndrrat.
Në një video të dytë të TikTok, Berlusconi tregoi një shaka për Vladimir Putin, Joe Biden dhe Papën. Pas videos, ish-kryeministri arriti në më shumë se 350 mijë ndjekës në më pak se një ditë.
@silvio.berlusconi Ciao ragazzi, eccomi qua. Vi do il benvenuto sul mio canale ufficiale #Tiktok per parlare dei temi che più stanno a cuore a Forza Italia e al sottoscritto e che vi riguardano da vicino: parleremo e discuteremo del vostro #futuro Vi racconterò di come vogliamo rendere l’#Italia un Paese che possa darvi nuove opportunità e la possibilità di realizzare i vostri sogni. Ci rivediamo presto su TikTok ! #silvioberlusconi #berlusconi #elezioni #forzaitalia🇮🇹💪❤️ #politica #giovani ♬ suono originale – Silvio Berlusconi
