Leja për ndërtim te parku nuk siguroi firmën e disa ministrave të kabinetit Rama. Bëhet fjalë për tre ministrat e LSI, Ylli Manjani, Edmond Haxhinasto dhe Lefter Koka të cilët nuk kanë firmosur vendimin e KKT.
Veliaj ka filluar punimet pa firmën e tre ministrave të LSI-së, por problemi kryesor është dhe pa lejen e mjedisit.
Aktivistët në mbrojtje të parkut kanë siguruar ndërkaq një projekt të perspektivës për Parkun e Tiranës ku janë shënuar disa pallate që shkojnë nga 25-40 kate, të gjitha të llogaritura të ndertohen përgjatë Parkut që nga diga deri te Fakulteti i Minierave me një cmim që kalon 3000 euro për metër katror.
Qarkullojnë zëra se 5 kulla me mbi 25 kate do të ndërtohen nga pronarët e mediave.
