Partia Demokratike po shfrytëzon çdo rast për të thelluar krizën dhe me sa duket për këtë nuk do të kursejë as pavarësinë e presidentit. Pas thënies së Lulzim Bashës nga çadra se Fatmir Xhafaj mund të futet në ndërtesën e ministrisë së Brendëshme vetëm duke kaluar mbi trupat e demokratëve me sa duket do të bëhet realitet, me mosdekretimin e pasardhësit të Tahirit nga presidenti Nishani.
Burime pranë presidencës të afërt gjithashtu edhe me PD-në thanë për Lapsi.al se kreu i shtetit po shikon mundësinë e këtij akti të paprecedentë. Bujar Nishani megjithëse i kishte dekretet e ministrave në tavolinë i injoroi ato duke fluturuar drejt Azerbaxhanit. Madje prej andej u kujdes të botonte edhe një foto me presidentin maqedonas Ivanov, i cili rrefuzoi ti jepte mandatin qeverisë së shumicës së Zoran Zaevit.
A ishte kjo një shenjë?
A do të veprojë edhe Nishani në Tiranë si Ivanovi në Shkup? Brenda opozitës kanë filluar debatet. Pas daljes së dokumentave për aktivitetin e shkuar të të vllait të ministrit dhe sidomos pas dëeshmive se ai ka shërbyer si hetues në kohën e diktaturës, zërat për një mosdekretim të Fatmir Xhafës prej Nishanit janë rritur.
Në fakt po të pyesësh juristët një gjë e tillë duket e pamundur. Shumë prej tyre pretendojnë se në këtë process presidenti ka vetëm rolin e noterit. Pra me një fjalë ai vetëm dekreton atë që i sjell kryeministri që në fakt është mbajtësi i legjitimitetit të shqiptarëve. Dhe sipas kushtetutës Bujar Nishani ka vetëm 7 ditë kohë për ti çuar parlamentit dekretin për emërimin e Xhafës. Por sipas konstitucionalistëve pranë PD-së pikërisht kjo kleçkë tregon se presidentit i jepet kohë për të mbledhur informacion. Në të kundërt kushtetuta nëse presidenti nuk do të kishte rrol do të thoshte thjeshtë. Ai dekreton menjëherë ministrat. Por ligji themelor i ka lënë kreut të shtetit të drejtën për tu informuar dhe për të vendosur. Nëse ministri ka probleme me sigurinë kombëtare, me trafiqet, me të shkuarën diktatoriale që parashihet në rrezolutat e Këshillit të Europës-thonë atë duke iu rreferuar rastit konkret- atëherë Nishani ka të drejtën e tij të mos e dekretojë Fatmir Xhafën.
Po ç’ndodh në një rast të tillë?
Ministri nuk votohet dot në parlament sepse parlamenti mund të votojë vetëm një dekret të ardhur nga presidenca. Si rrjedhim shqipëria mbetet pa ministër të brendëshëm dhe ndiqet precedent i qeverisë Nano që drejtoi me zv ministra.
Po shumica qeverisëse ç’mund të bënte të këtë rast?
Ajo ose mund ti drejtohej gjykatës kushtetuese për interpretim se a ka të drejtë presidenti të pengojë një ministër të emërohet ose mund të shkojë drejt përkeqësimit të konfliktit dhe të kërkojë shkarkimin e presidentit.
Në të dyja rastet procesi do zgjatej dhe kriza qeverisëse do thellohej më shumë. Prandaj shumëkush brenda opozitës mendon se Nishani do ta hedhi këtë hap drejt thellimit të krizës- tha burimi për lapsi.al. Meqënëse PD është future në një dinamikë destabilizimi, Bujar Nishani nuk mund të ndahet nga partia prej nga rrjedh, prndaj sipas të gjitha gjasave ai nuk do ta dekretojë Fatmir Xhafën?
