Thirrjet për largimin e Edi Ramës si Kryeministër vijojnë në prag të zgjedhjeve të 18 qershorit.
Qindra protestues janë mbledhur sërisht nën dritën e diellit përballë selisë së qeverisë në Tiranë, duke kërkuar ndryshimin.
Lideri i opozitës në Shqipëri, Lulzim Basha gjatë një bashkëbisedimi me korrespondentin Nathan Morley tha se ai i qëndron vendimit për bojkotin e Parlamentit, vendim i cili po krijon vonesa në implementimin e Reformës në Drejtësi që kërkohet aq shumë nga BE.
“Kjo tashmë është një republikë që udhëhiqet nga krimi dhe droga”- tha Basha.
“Ne nuk po bllokojmë reformën në drejtësi, ne e duam që Vettingu të kryhet. Por ne duam që ajo të bëhet në përputhje me Kushtetutën, dhe jo sipas kriminelëve që kontrollojnë qeverinë dhe axhendën e saj”, tha Basha.
Gjyqtarët aktualë dhe prokurorët pritet ti nënshtrohen vettingut për shkak të mungesës së besimit tek establishment aktual. Opinionistët argumentojnë se një sistem ligjor më i besueshëm është vital për siguruar investime të huaja dhe rikthimin e besimit si brenda ashtu edhe jashtë vendit.
Basha ndërkohë është akuzuar për nxitje të dhunës pasi javën e shkuar ai kërkoi që qytetarët të reagojnë dhunshëm kundrejt institucioneve shtetërore.
Nëse ai shpallet fajtor, ai mund të dënohet deri edhe me 3 vite burg.
Vendi i vogël i Ballkanit me 3 mililonë banorë, është shpallur kandidat për anëtarësim në BE që në vitin 2014 dhe shpreson që të nisë negociatat për anëtarësim që këtë vit.
