Një ngjarje e rendë ka ndodhur në Uzinën ushtarake të qytetit të Gramshit. Dy shtetas rus dhe nje ukrainase kane sulmuar ushtarakët e kësaj uzine me lëndë kimike.
Sipas raportimeve paraprake, ata kanë hyrë në uzinën e Gramshit dhe ushtarakët që kanë qenë në ruajtje të kësaj qendre strategjike kanë dalë për t’i ndaluar.
Në atë moment, agresorët kanë hedhur mjete djegëse dhe lëndë kimike duke i dëmtuar.
Dy ushtarë kanë mbetur të plagosur, Ardi Bici dhe Ardjan Xhaka. Sipas ministrisë së Mbrojtjes, janë jashtë rrezikut për jetën,
Tre te huajt jane ndaluar: Dy ruse edhe një vajzë ukrainase. Ndodhen në komisriatin e Elbasanit, ndersa per ngjarjen ka nisur hetimi nën drejtimin e prokurorit të rrethit Kreshnik Ajazi. Të perfshirë në hetime janë Antiterrori, SHISh dhe Shërbimi sekret i Ushtrisë.
Shtetasit e huaj dyshohet se janë agjente dhe kanë qenë me misionin në vendin tonë.
Sipas dëshmitarëve dhe banorëve pranë zonës, ata kishin dy dite që vinin vërdallë rrethimit të uzinës dhe mbanin harta dhe aparate fotografike me vete.
Por, sot pasdite, këta shtetas me aparate fotografike kishin hyrë nga muret e uzinës pa urdhër duke bërë foto. Ushtarakët që ruajnë perimetrin e uzinës i kishin parë këta persona dhe u kanë shkuar për t’u bërë ndalesën dhe shoqërimin e tyre.
Ndërkohë, ata u janë kundërpërgjigjur duke i sulmuar duke me lëndë kimike në fytyrë dhe trup.
Personat e dëmtuar kanë qenë të shtruar në spitalin e Gramshit dhe më pas janë dërguar në Tiranë për një mjekim më të specializuar.
Heqja e vizave gjatë muajve të verës për shtetasit rus, ia lehtëson futjen në vendin tonë agjentëve të shërbimit sekret rus.
Një vit më parë në verë dy shtetas rus u kapën në perimetrin e jashtëm të bazës ajrore të Kucovës.
Ata kishin hyrë si turistë nga Mali i Zi dhe iu gjet edhe një dron.
Autoritetet shqiptare u mjaftuan me dënimin e tyre.
