Një 38-vjeçar është arrestuar në Gjirokastër, pasi kërcënoi punonjësin e policisë, ngjarje e cila ndodhi ditën e djeshme.
Policia bën me dije se në pranga ka rënë shtetasi I. O, të cilit gjatë kontrolleve iu gjet edhe një thikë.
“Ky shtetas më datë 15.08.2022, në fshatin Derviçan, Gjirokastër, ka kanosur për shkak të detyrës punonjësin e Policisë, shtetasin H. H., pasi punonjësi i Policisë, në zbatim të detyrave funksionale, ka referuar materialet në Prokurori në ngarkim të vëllait të 38-vjeçarit, i cili ishte kapur më parë nga shërbimet e Policisë me një sasi të vogël lënde narkotike kanabis”, njofton policia.
I arrestuari akuzohet për veprat penale “Kanosja për shkak të detyrës” dhe “Prodhimi, mbajtja, blerja apo shitja pa leje e armëve të ftohta”.
