Lynne Mishele, gruaja në shtëpinë e së cilës u përplas me makinë aktorja e famshme Anne Heche e cila vdiq mbrëmjen e djeshme, ka folur për herë të parë pas aksidentit të rëndë.
“Lajmi për vdekjen e Anne Heche është shkatërrues. Familja e saj, miqtë e saj dhe fëmijët e saj, veçanërisht, me të vërtetë kanë pësuar një humbje të madhe dhe zemra ime është me ta. E gjithë kjo situatë është thjesht tragjike dhe me të vërtetë nuk ka fjalë. Unë po dërgoj dashuri për të gjithë të përfshirët.”- tha ajo në një video në Instagram.
Reagimi i Mishele vjen një javë pasi Heche, u përplas në shtëpinë e saj , duke e përfshirë atë në flakë.
Fqinji i saj i tha Page Six se Mishele “ishte jashtëzakonisht me fat” që i mbijetoi incidentit pasi ishte në një dhomë tjetër kur Mini Cooper i Heche-s goditi shtëpinë e saj. Ajo pohoi se makina e aktores kaloi “pothuajse gjatë gjithë rrugës” në shtëpinë dykatëshe dhe “pothuajse menjëherë” mori flakë.
