Trajneri Antonio Conte nuk e ka të sigurtë qëndrimin për një kohë të gjatë tek ekipi anglez i Chelsea-t. Madje edhe në rast të arritjes së titullit kampion në “Premier League”.
“Mendoj se në futbollin modern nuk është e lehtë të nisësh një projekt, apo të jesh i sigurtë se do të jesh për një kohë të gjatë te një skuadër. Kjo nuk vlen vetëm për mua, por për të gjithë trajnerët. Ajo që është e sigurtë është se, nëse të jepet një rast i tillë, atëherë fiton edhe mundësinë për të punuar më shumë me skuadrën, për të zbatuar idetë e tua dhe për të përmirësuar futbollistët”, tha Conte.
“Blutë” e Londrës janë në krye të klasifikimit pas 26 javësh, me 10 pikë më shumë se Tottenhami i vendit të dytë.
