Aktoren e njohur të humorit, Delinda Disha nuk do e shohim më në “Klanifornia” pasi do të nisë një aventurë të re si moderatore e një emisioni investigativ.
Delinda ka zbuluar së në shtator do moderojë emisionin ‘Xhadat’, krah moderatores Fiori Dardha.
Aktorja ka zbuluar gjithashtu se edhe bashkëshorti i saj do të jetë në të njejtin vend pune si ajo tashmë në një television tjetër.
“Po Eldi s’do të punojë më në Klan apo do punojë në Mcn Tv?”– e ka pyetur së fundmi një ndjekës Delindën, e cila u përgjigj duke shkruar: “Po jemi bashkë në Mcn të dy.”
Një tjetër ndjekës ka pyetur për arsyet pse Delinda ka vendosur të ndryshojë logo, ndërsa ishte kureshtar edhe për raportin e saj me bashkëshortin në ambientet e punës.
“Pse ike nga Tv Klan? Si është të punosh e të jesh kudo me burrin?”- e pyet ndjeksi.
Aktorja nuk e ka treguar arsyen e largimit nga “Klan”, ndërsa për bashkëshortin shkruan se “nuk punon dot pa të.”
