Nuk është hera e parë që kryeministri i vendit, Edi Rama shpërthen në akuza të mëdha ndaj gjykatësve. Kësaj rradhe, Rama ka bërë disa deklarata në fjalën e tij gjatë një takimi me studentët në Elbasan, ku i ka cilësuar gjykatësit si kriminelë.
“Pushtetin në drejtësi e kanë kriminelët. Sepse gjyqtarët mbrojnë kriminelët. Një përdhunues që merr duartrokitjet e njerëzve që shkojnë atje për ta nxjerrë të lirë, një grabitës që gjykatësi thotë se s’ka prova, apo një vrasës që ende i lirë. Gjyqtarët janë bërë palë me krimin”, është shprehur Edi Rama në fjalën e tij gjatë një takimi me studentët në Elbasan.
