Noizy ishte së fundmi i ftuar në emisionin “Një kafe me Labin”, ku foli për jetën personale ashtu dhe atë profesionale. Gjatë intervistës ai zbuloi do donte t’i fshinte nga biografia zënkat fizike që ka pasur me kolegët.
“Zënkat 100% sidomos ato fizike. S’ka problem ato me këngë janë ok, le të rrinë disset sepse është në natyrën e reperit ta thotë troç. Por të paktën zënkat fizike mos të ishin bërë. Sidomos kur e mendoj tani nuk do doja ta kisha në biografinë time”, u shpreh reperi.
Ai ka folur edhe për marrëdhënien me liderin e TBA-së, Unikkatilin. Noizy ka sqaruar se nuk ka pasur kurrë probleme mes tyre, por është diçka e krijuar mes fansash.
“Unë realisht nuk kam pasur asnjë problem me të. Njerëzit që e kanë nxitur këtë janë fansa. As ai nuk ka pasur problem, e as unë s’kam pasur kurrë problem me të. Asnjë lloj problemi, zero. S’kemi pasur ndonjëherë problem mesa e di”- tha reperi.
