Të paktën 12 persona raportohet se kanë humbur jetën dhe 32 të tjerë janë plagosur në Zagreb pasi një autobus doli nga rruga dhe përfundoi në kanal.
Mësohet se 11 prej viktimave ndërruan jetë në vendngjarje, ndërsa një prej tyre në spital. “Sipas disa informacioneve, bëhet fjalë për një grup që kishte planifikuar të shkonte në pelegrinazh në Medjugorje”, tha ministri Davor Bozhinoviç.
“Të gjitha shërbimet e urgjencës kanë dalë menjëherë në terren. I pari ka dalë urgjenca, 16 ekipe, më pas policia, zjarrfikëset dhe sigurisht punonjësit e KSHA-së”, tha ministri i Brendshëm.
Më pas shtoi “informova kryeministrin dhe ai bisedoi me homologun polak Morawiecki duke i shprehur personalisht ngushëllimet familjarëve dhe popullit të Polonisë.”
Sipas informacioneve nga mediat polake, në mesin e pasagjerëve në autobus ishin 3 priftërinj dhe 6 murgesha.
Ndërkohë dyshohet se në autobus mund të jetë persona të tjerë, ndërsa disa prej të plagosurve janë në gjendje të rëndë.
