Këngëtarja e famshme Dua Lipa është shprehur shumë e emocionuar për “Sunny Hill Festival”. Ylli me famë botërore ka mbërritur mbrëmë në Kosovë ndërsa ditën e sotme, bashkë me të atin, Dukagjin Lipa, dhe kryetarin e Prishtinës, Përparim Rama ka mbajtur një konferencë për shtyp.
“Faleminderit për suportin, për ndihmën dhe dashurinë që po na jepni çdo ditë që të bëjmë një festival të tillë. Ndihem shumë krenare që jam këtu. Do të kënaqemi shumë sonte.
Faleminderit shumë, po ndihem shumë mirë që në shtëpinë dhe vendin tim po bëhet një gjë e tillë.
Nuk mund të tregoj çfarë do të vesh sonte. Është shumë speciale dhe është krijuar vetëm për performancën në Prishtinë.
Është ndjesi shumë e mirë të performoj në Prishtinë, s’ka ndjenjë më të mirë. Mezi po pres me të ndjej emocionet para se të dalë në skenë”, tha ajo.
Kujtojmë që në festival do të performojnë shumë yje të skenës botërore dhe artistë shqiptarë.
