Presidenti Ilir Meta ka vizituar sot familjen Avdia, për të shprehur ngushëllime për humbjen e jetës të vogëlushes Jonada.
Meta theksoi se është impresionuar nga fisnikëria e familjes, që humbi një ëngjëll nga një tragjedi, që nuk ka justifikim.
“Është një rast i pangushëllueshëm, një tragjedi e jashtëzakonshme, tepër tronditëse, për çdo shqiptar, aq më tepër për familjen Avdia, për babain që e përjetoi aq pranë atë tmerr, për vëllanë, për gjyshin, që mezi priste mbesën, që t’i tregonte se kishte përmirësuar gjuhën shqipe, e madje bënte dhe shqiponjën.
Jam impresionuar nga fisnikëria e asaj familje, ishte një tragjedi që nuk ka ngushëllim, jo vetëm nga personi, por edhe nga shteti, nga bashkia, nga qeveria, është një ngjarje e paralajmëruar”, u shpreh Meta.
Meta më tej iu kundërpërgjigj edhe kryeministrit Edi Rama, duke thënë se në Shqipëri ligjin e bëjnë të fortët. Po ashtu, Meta fshikulloi Ramën, duke deklaruar se kryeministri tallet deri me fatkeqësinë e të tjerëve.
“Askush nuk e ka vendosur ujin në zjarr, këtu ka papërgjeshmëri totale. Në një moment ku duhet të kishte reflektim dhe marrje vendimi e distance nga drejtues të papërgjegjëshëm apo bashkive përkatesë, në një moment shfaqet Shqipëria e para për sigurinë e plazheve. Nuk ka tallje dhe fyerje më të madhe për popullin shqiptar që e ka përjetuar këtë tragjedi të familjes Avdia.
Këtu nuk zbatohet Kushtetuta e as ligji, këtu ligjin e bëjnë të fortët, ajo është pamja e shtetit të papërgjergjegjshëm me qytetarët të pambrojtur, ky është shteti brutal.
Cdo qytetar duhet t’i bashkohet protestës, jo vetëm për solidaritet, por të parandalojë ngjarje të tilla në të ardhmen. Nuk është hera e parë që ndodh fatkeqësia si pasojë e paaftësisë së shtetit, e ndaj të gjithë duhet të jenë në këtë protestë. Duhet të kishin dhënë dorëheqjen ose të ishin shkarkuar për këtë ngjarje shumë të rëndë”, deklaroi Meta.
