Moderatori i njohur Ardit Gjebrea ka reaguar pas vdekjes tragjike të vajzës 7 vjeçe, e cila u përplas mesditën e djeshme në plazhin e Potamit në Himarë për vdekje nga një skaf të drejtuar një komisari Arjan Tase .
Nëpërmjet një postimi në Facebook Gjebrea shprehet i pikëlluar për vdekjen e vogëlushës, ndërsa thotë se vetëm ata që janë prindër mund të kuptojnë se çfarë po kalojnë prindërit e vogëlushës.
Gjebra thotë se në detin shqiptar nuk ka asnjë siguri dhe se prej 32 vitesh nuk ësshtë bërë asgjë për garantimin e jetës së pushuesve në plazhe.
Postimi i Gjebreas:
“Nuk ka gjumë dot sonte!
Mendja është vetem tek vogëlushja e familjes Abdia, çfarë fatkeqësie!
Prindërit e mjerë sapo vulosën me zi jetën e tyre. Vetëm ata që janë prindër mund të kuptojnë se çfarë po kalojnë sot nëna dhe babai i engjëllit të vogël.
Ndërsa çmenduria me të cilën tashmë jemi mësuar prej 32 vitesh gjithmonë në tranzicion, nuk ka fund:
Det pa kufi ndarës në zonat ku janë mjetet e motorizuara.
Plazhistë që notojnë me gomone, skafe e jet ski që u vijnë rrotull.
Asnjë limit shpejtësie, asnjë kontroll!
Trishtim!
Ngushëllime familjes Abdia dhe paqe për shpirtin e pastër e të pafajshëm!”
