Nga Boldnews.al
Pak ditë më parë, BoldNews.al, analizoi një mori tenderash të Fondit Shqiptar të Zhvillimit, kryesisht ato me shumë zero, që fituesit e së cilave u shpallën këto ditë të nxehta atmosferike, por të “ftohta” në vendimmarrje.
Në shumicën e tenderave që hulumtoi redaksia jonë, FSHZH-ja kishte s’kualifikuar firmat që ofronin më pak, duke shkuar edhe të oferta e 4-të apo e 5-të. Këto vendimmarrje i kanë shkaktuar arkave të shtetit miliona euro. Por, pavarësisht atyre vendimmarrjeve, drejtori i këtij Fondi, Dritan Agolli, ka vijuar atë skemë, duke marrë një tjetër vendimmarrje, që sërish i kushton arkave të shtetit.
Por nëse një drejtor apo një bashkiak futet në burg për 100 apo 200 mijë euro, madje ish-zv.ministrja për një arkë me peshk dhe telefon, po Agolli që po shpërdoron miliona euro?!
Deri më tani, zyrat e SPAK i kanë vizituar një mori politikanësh, të cilët janë aluduar për afera nga më të ndryshmet, por kurrsesi Dritan Agolli, i cili duket se ka një mburojë të fortë nga ish-titullari i tij, Erion Veliaj, apo edhe nga bizneset private ku ka qenë drejtor i madh.
Sipas dokumenteve që disponon BoldNews.al, Fondi Shqiptar i Zhvillimit, ka shpallur fitues firmën “CURRI” për tenderin me objekt “transformimi urban në hapësira publike kryesore, rajoni 1 dhe 2, ndërtimi i shëtitores së plazhit nga ura e Dajlanit deri në godinën e Kavalishencës”.
Fondi limit për këtë tender ka qenë 416.606.400 lekë, pa TVSH, ndërsa kohëzgjatja e kontratës është 9 muaj. Pak ditë më parë, firma e cila kishte bërë projektin e këtij bulevardi deklaroi se hiqte përgjegjësinë dhe nuk mbante “barrë” nëse kjo shëtitore do të prishej në të ardhmen.
Shumë zëra punimesh ishin hequr nga projekti fillestar, madje edhe gërmime apo mbushje me inerte, të cilat siguronin një jetëgjatësi të këtij projekti. Por, ashtu si me mbushjet e gropave, Agolli pritet që të dështojë edhe me këtë projekt, pasi këtë fakt e ka bërë publikë edhe firma që bëri projektin.
Ndërkohë, duke u ndalur te tenderi, BoldNews.al analizoi këto dukumente, ndërsa rezulton se firma fituese është renditur e 5-ta. Pra, 4 firmat që ofruan më pak janë s’kualifikuar, duke u shpallur fituese firma “CURRI”, e cila ofroi 284.962.076 lekë pa TVSH. Ose rreth 3 milionë USD me TVSH.
Ndërkohë, oferta më e ulët ishte e BOE “Glavenica” etj, të cilat ofruan 245.454.903. Pra, rreth 400 mijë USD më shumë se oferta më e ulët.
Por, nëse në të kaluarën ne përmendëm se këto diferenca mund të ishin “pare xhepi”, e njëjta gjë është edhe në këtë procedurë? Këto para’ janë “xhepi”? Nëse po, ku pritet të shkojnë, apo fushata ka filluar dhe mazhoranca po shpenzon paratë e buxhetit për të bërë disa projekte për t’i përdorur më pas!
