Gjykata e Posaçme ka shtyrë për në Shtator vendimin për komsioneren e vetingut Etleda Çiftja. Ajo akuzohet për deklarim të rremë të pasurisë dhe falsifikim të dokumenteve.
Sipas hetimeve, ajo ka gënjyer në lidhje me burimin e parave në blerjen e një apartamenti dhe dy parcelave tokë me sipërfaqe rreth 5 mijë metra katrorë.
Çiftja u kallëzua në SPAK nga gjyqtarë dhe prokurorë të cilët janë shkarkuar me vendime të saj, pikërisht se kanë pasur problem me pasurinë.
