Policia greke është vënë në kërkim të një 33-vjeçari shqiptar, identiteti i të cilit nuk bëhet i ditur.
Shkak është bërë ngjarja e ndodhur në një klub nate në Halkidiki, ku 33-vjeçari ka ngacmuar seksualisht dhe më pas ka ushtruar dhunë ndaj një 22-vjeçareje greke.
Ndaj të riut shqiptar është ngritur një dosje për fyerje të dinjitetit seksual dhe plagosje trupore, e cila i është dorëzuar Prokurorisë së Shkallës së Parë Polygyros.
Hetimet për gjetjen e tij vazhdojnë, ndërkohë që sinjalizohet edhe në stacionet kufitare të vendit, për mundësinë që ai të tentojë të arratiset jashtë vendit.
