Eksperti i sigurisë, Ermal Jauri tha në një intervistë për Euronews Albania se sulmet kibernetike janë rrezik po aq i madh sa sulmet fizike, referuar këtu luftës Ukrainë-Rusi.
Ai mori shembullin e Stoltenberg i cili në një samit të NATO-s u shpreh po njësoj, madje pas kësaj koncepti i ri strategjik i NATO-s ndryshoi.
Nisur nga situata e fundit në Shqipëri kur sistemet u pezulluan, Jauri u shpreh se i bënte përshtypje sesi, në një sulm me armë çdo i ri do ishte paraqitur për të marrë armën e për të luftuar, ndërsa në këtë rast askush nuk u paraqit për të dhënë ndihmë.
“Kemi inxhinierë të mrekullueshëm të cilët punojnë nëpër kompani shqiptare, kemi inxhinierë, IT dhe specialist të jashtëzakonshëm që janë në sektorë të ndryshëm privat në Shqipëri dhe aksush nuk u vetë ofrua që sot jemi përball një agresioni që ka sulmuar Shqipërinë,” – u shpreh eksperti.
Sipas tij, as në Shqipëri, as në botë nuk investohet sa duhet në fushën e mbrojtjes kibernetike.
Jauri u shpreh se vendi ynë duhet të rrisë kapacitetet operacionale dhe ato teknike.
